June 1, 2008

ಮುದ್ದು ಮಾತುಗಳು

ನಾಲ್ಕು ವರ್ಷಗಳ ಹಿಂದೆ ;


" ಅಮ್ಮಾ, ಪಾಪ್ಯುಲೇಶನ್ ಕಂಟ್ರೋಲ್ ಬಗ್ಗೆ ನಂಗೆ ಸ್ವಲ್ಪ ಅನುಮಾನ ಇದೆ ಅಮ್ಮಾ, ನೀನೇನಾದ್ರೂ ಸರಿಯಾಗಿ ಎಕ್ಸ್ ಪ್ಲೈನ್ ಮಾಡ್ತೀಯಾ? "

ನನ್ನ ಮಗಳು ಕೇಳಿದ ಪ್ರಶ್ನೆಗೆ ಒಮ್ಮೆ ದಂಗಾಗಿ ನಿಂತೆ. ಈ ಪುಟ್ಟ ಪೋರಿ ಜನಸಂಖ್ಯಾ ನಿಯಂತ್ರಣದ ಬಗ್ಗೆ ಯೋಚಿಸುವಂತಾದಳೆ? ಎಂದು ಗೊಂದಲದಲ್ಲಿದ್ದಾಗ ಅದರ ಹಿನ್ನೆಲೆ ವಿವರಿಸಿದಳು .

" ಇವತ್ತು ಸ್ಕೂಲ್ ನಲ್ಲಿ ಪಾಪ್ಯುಲೇಶನ್ ಕಂಟ್ರೋಲ್ ಬಗ್ಗೆ ಪಾಠ ಮಾಡಿದ್ರಮ್ಮಾ . ಆದರೆ , ನಂಗೆ ಅರ್ಥ ಆಗದೇ ಇರೋದು ಅಂದ್ರೆ , ಈ ಪಾಪ್ಯುಲೇಶನ್ ಕಂಟ್ರೋಲ್ ಹೇಗೆ ಮಾಡ್ತಾರೆ ಅಂತ ! ಇದ್ದವರನ್ನೆಲ್ಲ ಸಾಯಿಸೋದಂತೂ ಸಾಧ್ಯ ಇಲ್ಲ ಅಲ್ವಾ? ಮತ್ತೆ ಹೇಗೆ ಅಂತ ? "

ಇದೊಳ್ಳೆ ಕತೆ ಆಯ್ತಲ್ಲಪ್ಪ ! ಈಗ ಇವಳಿಗೆ ಎಕ್ಸ್ ಪ್ಲೈನ್ ಹೇಗೆ ಮಾಡಲಿ ಅಂತ ಯೋಚಿಸ್ತಾ ಇದ್ದಾಗ ಒಂದು ಐಡಿಯಾ ಬಂತು.

" ಪುಟ್ಟೀ, ಅದು ಹೇಗೆ ಅಂದ್ರೆ , ನೋಡು, ಪಾಪ್ಯುಲೇಶನ್ ಒಂದೇ ಸಲಕ್ಕಂತು ಕಮ್ಮಿ ಮಾಡೋದು ಸಾಧ್ಯ ಇಲ್ಲ .ನೀನು ಹೇಳಿದ ಹಾಗೇ , ಈಗ ಇದ್ದವರನ್ನಂತೂ ಏನು ಮಾಡೋಕೂ ಆಗಲ್ಲ ಅಲ್ವಾ? ಅದಕ್ಕೇ , ಇರೋವ್ರೆಲ್ಲ ಕಮ್ಮಿ ಮಕ್ಕಳನ್ನ ಮಾಡ್ಕೊಂಡ್ರೆ, ನಿಧಾನವಾಗಿ ಪಾಪ್ಯುಲೇಶನ್ ಕಮ್ಮಿಯಾಗತ್ತೆ. "

" ಅದು ಹೇಗಮ್ಮಾ ಕಮ್ಮಿ ಮಕ್ಕಳನ್ನು ಮಾಡ್ಕೊಳೋದು ? "
ಇನ್ನೊಂದು ಬಾಂಬ್ ಬಿತ್ತು !

ಸ್ವಲ್ಪ ಯೋಚಿಸಿದವಳು ಹೇಳಿದೆ.
" ನೋಡು, ಈಗ ನನ್ನ ಅಜ್ಜ ,ಅಜ್ಜಿಗೆ ೮-೯ ಜನ ಮಕ್ಕಳಿದ್ರು. ನಿನ್ನ ಅಜ್ಜ , ಅಜ್ಜಿಗೆ ನಾವು ಮೂರೇ ಜನ . ಮತ್ತೆ ನಂಗೆ ನೀನೊಬ್ಬಳೇ ಅಲ್ವ? ಅಲ್ಲಿಗೆ ಮಕ್ಕಳು ಕಮ್ಮಿಯಾದ್ರು ತಾನೆ? "

ಕೆಲ ಸೆಕೆಂಡ್ ಸುಮ್ಮನೆ ಇದ್ದವಳು ಮೆಲ್ಲಗೆ, ಸಪ್ಪೆ ದನಿಯಲ್ಲಿ ಕೇಳಿದಳು

" ಅಮ್ಮಾ, ಹಾಗಾದ್ರೆ , ನಂಗೆ ಒಂದೂ ಮಕ್ಕಳಿಲ್ವಾ? "

ಅವಳ ಮುಗ್ಧ ಪ್ರಶ್ನೆಗೆ ಬಂದ ನಗು , ಅವಳ ಬಾಡಿದ ಮುಖ ನೋಡಿ ಅಲ್ಲೇ ನಿಂತು ಹೋಯಿತು !.

6 comments:

sunaath said...

ನಿಮ್ಮ ಲೇಖನ ನೋಡಿದ ಮೇಲೆ, ನಾನು ಅನೇಕ ವರ್ಷಗಳ ಹಿಂದೆ ಓದಿದ ಒಂದು ಇಂಗ್ಲಿಶ್ ಜೋಕು ನೆನಪಿಗೆ ಬಂದಿತು. ಅದು ಹೀಗಿದೆ.

Mother wants to explain to the kid her relation with the father.
Mother:"Child, you should know that myself and your father have sexual relationship"
Kid:"Then,why I have never met them all these days?"

ವಿಕಾಸ್ ಹೆಗಡೆ/Vikas Hegde said...

ಇಲ್ಲಿಗೇ ನಿಲ್ಸೋಕೆ ನಾವು ಬಿಡೋದಿಲ್ಲ. ಮುಂದೆ ಏನಾಯ್ತು, ಏನಂದ್ರಿ ಅಂತ ಹೇಳಿ :)

Tejasvi Hegde said...

ಅಕ್ಕಯ್ಯಾ... ಅಂತು ಬ್ಲೊಗ್ಸಲೇ ಶುರು ಮಾಡಿದ್ದೆ ಹೇಳಿ ಆತು.
ಚೊಲೋ ಬರಿತ ಇದ್ದೆ.. ಬರಿ ಬರಿ.. ಸರಿ ಬರಿತಾ ಇದ್ಯ ಇಲ್ಯ ಹೇಳಿ ಆವಾಗ ಆವಾಗ ನಾನು ಬಂದು ನೋಡ್ತಿ.. .
ಮ್ಯಾಲೆ ಇದು (Keep it up!)

ಶಾಂತಲಾ ಭಂಡಿ said...

ಚಿತ್ರಾ ಅವರೆ...
ಮೂರಿದ್ದಿದ್ದು ನಂತರದ ತಲೆಮಾರಿಗೆ ಒಮ್ಮೆಲೇ ಒಂದರ ಲೆಕ್ಕ ತೋರಿಸಿಬಿಟ್ಟಿರುವಾಗ ನಿಮ್ಮ ಮಗಳ ಲೆಕ್ಕಾಚಾರ ಸರಿಯಾಗಿದೆ ತಾನೆ? :)

chitra said...

@ ಸುನಾಥ್ ಅವರೇ ,

ಜೋಕ್ ಚೆನ್ನಾಗಿದೆ. ಎಷ್ಟೋ ಸಲ ಪುಟ್ಟ ಮಕ್ಕಳಿರುವಾಗ, ಇಂಥಾ ಸಂದರ್ಭಗಳು ಸಹಜ ಅಲ್ಲವೆ?

@ ವಿಕಾಸ್,
ಮುಂದೇನಾಯ್ತು ಅಂತ ಮತ್ತೊಂದು ಸಲ ಹೇಳ್ತೀನಿ ! :)

@ ಶಾಂತಲಾ ,
ಜನಸಂಖ್ಯೆಯನ್ನು ಸ್ವಲ್ಪ ಫಾಸ್ಟಾಗಿ ಕಮ್ಮಿ ಮಾಡುವ ಉದ್ದೇಶದಿಂದ ಲೆಕ್ಕ ಮೂರರಿಂದ ಸೀದಾ ಒಂದಕ್ಕಿಳಿದಿದೆ ! :-))

chitra said...

ಹೋಯ್ ತೇಜಾ,

ನಾ ಬ್ಲಾಗಲೆ ಶುರು ಮಾಡಿ ಸುಮಾರು ೪ ತಿಂಗಳಾದ ಮೇಲೆ ಅಂತೂ ಒಂದು ಕಾಮೆಂಟ್ ಬರದ್ದೆ ನೀನು ! ಎಂಥಾ ತಮ್ಮನೋ ಮಾರಾಯಾ ! ಆಗ್ಲಿ , ಸರೀ ಬರೀತ್ನಾ ಇಲ್ಯ ಹೇಳಿ ನೋಡಲಾದ್ರೂ ಬರ್ತಾ ಇರು !