ಕಂಡೂ ಕಾಣದ ಸಂಜೆಯಲಿ
ಅತ್ತಿತ್ತ ನೋಡುತ್ತಾ
ಮೆತ್ತಗೆ ಮುತ್ತಿಟ್ಟು ಕರಗಿದವಳೇ
ಬಿಸಿಯೇರಿದಾ ಕೆನ್ನೆ
ತಂಪಾಗುವ ಮೊದಲು
ಕೆಂಪಾದ ಪರಿಯನ್ನು ನೋಡದವಳೇ
ಕೈಯಲ್ಲಿ ಕೈಯಿಟ್ಟು
ಬೆರಳಾಟವಾಡುತ್ತ
ತುಂಟನೋಟವ ಬೀರಿ ನಾಚಿದವಳೇ
ಎದೆಬಡಿತ ಏರಿಸಿ
ಕೆನ್ನೆ ಕೆಂಪಾಗಿಸಿ
ಕೈಗೆ ಸಿಗದೆಲೆ ದೂರ ಓಡಿದವಳೆ !
ಕಾಯುತಿರುವೆನು ನಿನ್ನ
ಗೆಜ್ಜೆ ಕಾಲಿನ ಸದ್ದು
ಮೆಲ್ಲಗೆ ಬಳಿಬಂದು ಅಪ್ಪಿಕೊಳ್ಳೆ
4 comments:
ಆಹಾ.. ಪ್ರೇಮಿಗಳ ದಿನಕ್ಕೊಂದು ಪ್ರೇಮ ಪದ್ಯ ;-)
ಆಹಾ... ನನ್ನ ತಾರುಣ್ಯದ ಎಲ್ಲ ಕನಸಿನ ಕನ್ಯೆಯರನ್ನೂ ನೆನಪಿಗೆ ತಂದಿರಿ....
ತುಂಬ romantic ಕವನ!
ಎಲ್ಲರಿಗೂ ಧನ್ಯವಾದಗಳು !
Post a Comment