ಧೋ ಎಂದು ಸುರಿವ ಮಳೆ
ರಸ್ತೆ ತುಂಬಿದ ನೀರು
ತೇಲಿ ಬಿಟ್ಟಿಹ ದೋಣಿ
ಕುಣಿದು ಸಾಗುವುದು
ಬಚ್ಚಲಿನ ಒಲೆಯಲ್ಲಿ
ಗೇರು ಬೀಜದ ಘಮಲು
ಅಡುಗೆ ಮನೆಯೊಳಗೆ
ಬಿಸಿ ಹಪ್ಪಳದ ಪರಿಮಳ
ಅಂಗಳಕೆ ಕಾಲಿಡಲು
ಇಂಬಳದ ಭಯವಿಹುದು
ಕಂಬಳಿಯ ತೆಕ್ಕೆಯಲಿ
ಮಲಗುವುದೇ ಬಲು ಸುಖ
ಕಿಟಕಿ ಬದಿಯಲಿ ಖುರ್ಚಿ
ಕೈಯಲ್ಲಿ ಬಿಸಿ ಕಾಫಿ
ಹೊರಗೆ ಸುರಿಯುವ ಮಳೆಯ
ಜೋಗುಳದ ಹಾಡು
ಮಲೆನಾಡ ಮಳೆಗಾಲ
ಮನಸಲ್ಲಿ ಹಸುರಾಗಿ
ಎಂದೆಂದೂ ಮರೆಯದಿಹ
ಮಧುರ ನೆನಪು
1 comment:
ಮಳೆಗಾಲದ ನೈಜ ಹಾಗು ಸುಖಕರವಾದ ವಾತಾವರಣವನ್ನು ಸರಳ ಕವನದಲ್ಲಿ ಸುಂದರವಾಗಿ ಸೃಷ್ಟಿಸಿದ್ದೀರಿ. ಅಭಿನಂದನೆಗಳು.
Post a Comment