ಬದಲಾಗುತ್ತವೆ ಕನಸುಗಳು

ಬದಲಾಗುತ್ತವೆ ಕನಸುಗಳು
ಕಾಲದೊಡನೆ
ವಸಂತ ವರ್ಷವಾಗಿ, ಶಿಶಿರವಾದಂತೆ

ಚಿಗುರು ಮೊಗ್ಗಾಗಿ, ಹೂವಾಗಿ ಅರಳಿದಂತೆ,
ಕೊನೆಗೊಮ್ಮೆ ಬಾಡಿ ಉದುರಿಯೇ ಹೋಗುವಂತೆ
ಕನಸುಗಳೂ ಕೂಡ
ಸವಿಯಾಗಿ, ಕಹಿಯಾಗಿ , ಕಡೆಗೆ ಕರಗಿಯೇ ಬಿಡುತ್ತವೆ !

ಬಾಲೆ ತರುಣಿಯಾಗಿ ,ಚೆಲುವೆಯಾಗಿ,
ಮುದುಕಿಯಾಗಿ ಮುದುಡಿದಂತೆ
ಮಗುವಿನ ಮುಗ್ಧತೆ ಕಲಕಿ
ರಾಡಿಯಾಗಿ ಕ್ರೂರವಾದಂತೆ

ಕನಸುಗಳೂ ಕೂಡ ಕೊನರಿ, ಕೆಣಕಿ, ಕೊನೆಗೆ
ಕೆಡಿಸಿಯೇ ಬಿಡುತ್ತವೆ ಮನವನ್ನು !

( ೧೯೮೭ -೮೯ರ ಅವಧಿಯಲ್ಲೆಲ್ಲೋ ಬರೆದ ಹಾಕಿದ ಕವನಗಳ ರಾಶಿಯಿಂದ ಹೆಕ್ಕಿದ್ದು !)