May 28, 2019

ಮುತ್ತು


 

ಒಮ್ಮೆ ಬಾ ನೀ ಬಳಿಗೆ
ಬಿಡುವಾಗಿ ಅರೆಗಳಿಗೆ 
ಕೊಡಲೇ ಬೇಕಿದೆ ಒಂದು ಸಿಹಿಯ ಮುತ್ತು 

ಮರಳಿ ಬರುವುದೇ ಸಮಯ 
ಎಂಬ ಯೋಚನೆಯಲ್ಲೇ 
ಮುಗಿಯಬಾರದು ಈ ಉಳಿದ ಹೊತ್ತು 

ಕಡೆಯ ಸಲವೆಂಬಂತೆ
ಕೈಯಲ್ಲಿ  ಕೈಯಿಟ್ಟು 
ಕಳೆಯಬೇಕೆನಿಸುತಿದೆ ಕೊಂಚ ಸಮಯ 

ಕಣ್ಣು ತುಂಬಿದೆ ನೀರು
ಎದೆಯೊಳಗೆ ಕಸಿವಿಸಿಯು 
ನೋವಿಂದ  ಹಿಂಡುತಿದೆ  ಏಕೋ ಹೃದಯ 

ಬೇಕಿಲ್ಲ ಸಿಹಿ ಮಾತೂ 
ಸನಿಹ ಕುಳಿತಿರು ಸಾಕು 
ಕೊಡಲೇ ಬೇಕಿದೆ ಒಂದು ಕಡೆಯ ಮುತ್ತು 

2 comments:

sunaath said...

Beautiful!

ಕಂದ said...

ಚೆನ್ನಾಗಿದೆ